想問一些通識的技巧

發問專用

想問一些通識的技巧。
因為通識很難掌握

Hinton

通識其實有幾樣野 真係要學:
1.總分總結構->organisation
2.主旨句->畀個考官知你咁大篇野想講咩
3.抽問題重點(例如"指出","解釋"等等既字眼)
4.留意連接詞("並","及" 有時d人睇符號分要答既部分,千祈唔好咁做,好易答漏野)
5.時間控制(最重要)
  其實通識夠時間 個個都寫到篇論文出黎
  所以考既係 你可唔可以係指定時間寫到與別不同既野出黎
  具體方法:1.平時做exercise都keep時間,畀自己適應個mode
               2.完全履行策略
                  有好多人唔識keep時間,唔係佢唔知每題應該用幾多時間
                   而係成日覺得呢題做多d,好d,之後頂多寫快d咪得囉
                   ↑呢個係天真想法,所以要強迫自己執行時間策略
                   例如:有一題要35分做哂佢
                   咁到左35分鐘 就快手埋尾 唔係一定會因小失大
6.學習應付唔同既題型
  漫畫題,數據處理,資料分析等等
"程度"答法又係要特別留意
熟記以上四種類型既答題技巧
例如:漫畫題 係睇人物表情、動作、道具、相對大小
7.拒絕二元對立(切勿死記硬背/一d野都唔背)

其實通識強調唔使死記硬背
唔係代表你一d野都唔使背
又或者只係暗示學生背哂去
而係要用得靚......岩用先好用落去
唔係d資料畀你用到好硬性
marker睇落都會好無癮
8.引用資料
通識最忌係自說自話
千祈唔好齋講理論
但又唔引用資料
因為咁顯示你唔可以同條題目起關聯
所以必要時,一定要講"根據以上資料/數據/漫畫"
之後quote d 資料落去 再作解說
咁就清晰好多

老實講,我miss都講
出面d marker改咁多份卷
要分高低
唔單只係point
organisation、條件性字眼都好重要
你識用"根據以上資料"
畀個marker知你有引用資料
睇得冇咁辛苦
係體貼方面都加足你
咁印象分正常都加你唔少

所以exam-oriented d
就係以上咁既技巧
應該仲有...等高人繼續指點你啦