聖騎配點參考及討論

monsterbb100

之前曾經post過十字軍三種類型既配點，雖然反應麻麻... :L  算啦~~ 而家和大家再分析討論下聖騎既配點啦~~

同十字軍一樣，聖騎都可以有好多種配點方法，都係果句啦~~ 適合你自己既習慣、性格去配點先至係最好，小弟配出黎只係比大家參考下~~


無腦雙踢全坦型聖騎配點

話明全坦，就會放棄攻擊，只用雙踢做無腦輸出，基本上只係做坦職~~



牧師技能︰

盾擋︰滿，唔滿你點做坦？

輕盈迴避︰滿，以防被怪或人浮空，可以快速回歸坦位~~

治療︰滿，因為做坦通常都係被孤立，唔係聖徒唔想救你，而係你拉緊Boss，佢咁走埋黎都會中招，你就話成堆盾可以防，聖徒得一個盾，咁走埋黎好易中招，所以坦騎一般都滿治療黎自補~~

不屈︰滿，加物防，提高你防禦力~~

智力精通/智力訓練︰智力精通，前置；智力訓練 LV3，雖然話雙踢，但連環咁踢好食MP，所以智力訓練係幫補下MP回恢~~

滑行︰滿，呢招唔洗講啦掛，邊個傻仔唔滿呢招？


唔點技能原因︰

下劈、神聖連擊、膝破︰呢三招唔洗講... 玩牧職都知係廢招~~

自然精通︰因為做坦騎，所以首推血，副推物攻，你血都夠多，唔洗浪費技點黎推血~~



賢者技能︰

左邊第一行直至雷霆一擊全部前置︰十字架唔洗講，你係物攻，十字架只係用黎裝飾同清小怪用~~ 小金錘、雷衝果D，都係果句，你物攻，雙踢分分鐘仲高過用呢兩招，雷霆一擊只點1係因為要做全坦，雖然係賢者神技，但比起破甲，你更需要破甲同防禦，所以點1係用黎幫補輸出~~

激怒︰滿，你唔滿呢招唔好做坦，滿先可以拉得穩Boss，有D人點5再配A紋，但浪費一個技能位，不如點夠8好過~~ (當然，另一種輸出型坦騎係點5加激怒A紋，因為要留點加強攻擊技~~)

破甲︰滿，你食飯食粥都係靠呢招，破甲完你雙踢會狼好多~~

自動格擋︰前置(即點8)，再多都唔會多好多機率，唔係為左聖騎招自動格擋EX，都唔想點到8.....

神聖格擋︰LV6，夠你三防/盾互替~~

鋼鐵之身︰滿，滿級鋼鐵差唔多0傷害，頂多扣少少，你一個滿級補咩都滿返啦~~

神聖化身︰必點，手殘搞亂左三防/盾時，用黎救救命~~ 當然用黎增強輸出都OK~~

神聖天擊︰點1，因為你擋既機會好多，點人係比你見隻死人怪係咁打你時打走佢，尤其開左盾擋時，眼見11次比Boss連緊，唔知邊度黎既小怪又走黎搶你擋數，一野反走隻小怪好過~~ 你鐘意可以加多句︰阻頭阻勢~~ :lol

元素光環︰滿，呢個有D爭議性，你玩海龍既，見議你滿左佢，用黎幫隊友或自己加屬防都OK，打小豬果隻黃鋼都有效~~

信念光環︰不點，因為你係物攻，光攻對你無用~~


聖騎技能︰

聖騎三技必點，唔點正傻仔~~ :lol


技能紋章︰

側踢，強力側踢，治療，神聖化身/破甲

雙踢A紋係物攻聖騎必備，治療係怕加唔切或扣得太多，補多D始終都係個保險，最後一個紋可以自由選，神聖化身可以加長無敵時間，破甲就幫忙輸出~~


強化紋章︰

雙防A紋，健康A紋，生命A紋，朝氣A紋，致命A紋，熊的A紋，破壞A紋

雙防紋係加強你防禦力，健康生命係幫你推血，熊的破壞係增強輸出，朝氣回MP，致命增爆擊~~

裝備首推血，後推物攻~~

今晚再Post埋其他種類既聖騎~~

jimmg12

繼續努力....

Siu乂小聖

元素光環+暗防-_-''?

射子

點解唔加哂d踼ge@@

jimmg12

點解唔加哂d踼ge@@
射子 發表於 26-10-2011 17:39

成長幅度唔大...

落難軍人

我見到個精字

原來咁易拎到精華?

陰濕鬼

其實 膝破系pvp既角度黎講 唔系廢既..
樓主吾可以一概而論就甘抹殺佢

jimmg12

我見到個精字

原來咁易拎到精華?
落難軍人 發表於 26-10-2011 17:54

你打心得都拎到@@
我地版就係少左呢類POST@@

落難軍人

你打心得都拎到@@
我地版就係少左呢類POST@@
jimmg12 發表於 26-10-2011 18:39

樂古並不是我發展既地方

分呢樣野我睇得好閒

之前係巨商區成日爆粗比人扣;P

monsterbb100

我終於入到精華啦~~ 唔該晒Jimmg~~ 我既努力冇白費~~

夜D出埋其他種類既聖騎比大家睇啦~~ 而家忙住打龍之谷~~

元素光環+暗防-_-''?
Siu乂小聖 發表於 26-10-2011 17:12

元素係只加火同水防，但若果你打海龍，第三關岩漿怪果D火攻好可怕，而你又拉住佢，到佢用火鑽時你又走唔到位卡住佢時，元素光環係好救你命~~ 而且豬教隻黃銅都係放火，當然唔會有人咁笨明知佢放火，你都踩埋去，但有時真係有人唔小心踩左落去，元素光環係幫到好大忙~~

再者，信念都唔係防暗，只係加光攻同光防，你打得海龍，基本上貓狗天啟你都可以單刷無視，你加強光防都冇乜用~~ 而物攻型既坦騎基本上唔食光攻，你升信念真係白費咯~~