本帖最後由 傲邪一少 於 20-4-2013 21:46 編輯
夢境見到既野,我都聽過不少朋友既分析,
或者都聽過,睇過來自其他網站既睇法。
點解會發夢?
-日有所思,夜有所夢?
-好似睇戲咁講,會吾會係一部份既記憶?
-有人之前發夢,幾日~幾十年後發生,預知嗎?
-會吾會係你心裡不為人所知既一面??
以上都係聽番黎
我自己就諗,(世界無奇不有啦)
-會吾會係第二個世界既你,所做既事,你發夢產生聯繫見到?
-又或者睡眠時候,腦部接收既信息?
-(誇張D想法)會吾會發夢果個先係真正既自己0.0?
點解有時發夢你有部份會記得,有D就一起身就冇曬印象?
點解發夢,又有好多不同種類既夢?
春夢?惡夢?定係預知夢?定係咩其他既夢?
純粹探討及發表個人意見
[更新內容]
分享夢境,比較記得既夢
我大約11歲左右發左個夢(其實都吾係好記得幾歲,應該11~12左右)
夢境係我係我呀爺屋企,個風扇跌落黎壓到我隻腳,
大約6,7個月後我突然覺得周邊既環境好熟,好似經歷過,
當我見到個風扇就第一時間彈開左,之後個風扇真係跌左落黎,
係巧合定係真係所謂既預知夢?
仲有個,(真係吾怕你地笑)
小一果陣夜晚訓教尿褲,
但係次次尿褲都會發一個夢,
個夢都係我為第一身角度,
但我好矮,因為周邊既野都好高,
而且我尿褲果陣都係,係幼稚園個廁所到交水費果陣,
直到有一次,
同樣係依個夢(好多次),我即刻彈左起身去廁所,
之後就冇發個依個夢,
咁依個夢係咪又代表你身體既有需要,透過大腦產生夢境話比你知?
仲有個夢係咁:
我係第三身角度去睇,但我望既所謂主角得一個人(果個人同我同一樣樣),
周邊既環境,我吾知邊到黎,但以我當時既諗法就係世界末日,
點解咁講?(個天係紅色,濃濃黑煙,有D橙光閃閃下,周圍就火災咁,又爆炸)
跟住我就由第三身變為第一身角度(果個人),
我好驚訝,果到既人,有D好似超能力,好難講,總知跑到好似飛咁,跳既距離都好遠,
跟住(我)就跑得好快咁,跳兩下咁,去左個祕道咁,(跟住我既感覺係橫沖直撞,太快個畫面),
之後有個門,開左之後,(我)攬住果兩個人(1男1女),(我感覺到關係不尋常),
之後好似原路咁跑番出去(點解似好似?畫面閃得太快- -)
之後,準備離開跳出去果一下,爆炸,
跟住我起左身,隻眼係喊緊.
你話我係吹水,老作,但認真真係- -
之後發多次好似續集咁,但依次起身就吾記得左,
之後就冇發生,所以我先有[第二個世界既你,所做既事,你發夢產生聯繫見到?]
純分享 |
發表於 20-4-2013 19:22:14
變色卡
發表於 20-4-2013 20:50:55
