大家認為"夢境"係咩? 純粹探討(更新版:增加分享)

呀楊

我同你一樣都試過去咗某個地方,雖然唔知從乜野途徑搭乜野車去到果個地方,但係係現實去到果個地方果時就會 ...
杜亞斯 發表於 21-4-2013 12:21 AM

白衣女鬼你只係見過佢一次?

杜亞斯

回復  杜亞斯


    你離開個夢...係指?醒番- -?
但我真係未試過你擁有既能力啦 ...
傲邪一少 發表於 21-4-2013 00:24

係呀無錯,離開個夢即係指醒番,我係夢入面除咗每次都擁有蝙蝠俠果種能力之外,仲擁有廿二世紀殺人網絡入面果種飛簷走壁能力,仲可以好似太空人咁無重力狀態咁跳起,一跳就有幾層樓咁高,不過果吓野係會有離心感覺,同埋係夢入面受傷,我係會有種痛嘅感覺

有次係個夢入面遇到一個完全唔識嘅男人,佢拎住支手槍指住我,仲向我開槍,我完全走唔到,仲比佢開槍殺咗幾次,中槍果一刻係有中槍嘅感覺,好在個夢淨係發過一次

杜亞斯

白衣女鬼你只係見過佢一次?
呀楊 發表於 21-4-2013 00:30

白衣女鬼咁又唔只見過一次,至於紅衣女鬼就係夢入面如果一路諗住佢,佢就真係即刻係你面前出現..超恐怖,紅衣係最猛...不過我可以即刻成功咁走到,如果走唔到就真係．．．囧

仲有我係夢入面有種能力係我可以係夢入面唸佛經/佛號,一唸面前所有恐怖野乜野妖魔鬼怪即刻消失晒同埋可以即刻離開個夢醒番

呀楊

白衣女鬼咁又唔只見過一次,至於紅衣女鬼就係夢入面如果一路諗住佢,佢就真係即刻係你面前出現..超恐怖,紅 ...
杜亞斯 發表於 21-4-2013 12:38 AM

你諗住佢
佢緊係會出黎啦
依個係好正常現象黎個啵...

杜亞斯

我有個舅父佢前年肝癌走咗,我久唔久就係夢入面見到佢,仲會同佢傾計,係現實已經無可能再見到佢,雖然已經陰陽相隔,但係係夢入面都可以見返佢,有種感覺就係佢從來都無離開過我哋,只係係現實見唔到佢咁解


我係夢入面都算有好多種異能/能力,無重力跳躍,又飛簷走壁,又蝙蝠俠能力,仲有頭先提到果兩種逃走脫離夢境方法
哩啲全部都係現實無可能做到

wdyt6808

純分享:

曾經係夢入面可能發生過一件事,但係具體唔記得
然後係無耐的將來會對一個真實既環境有一個熟悉的感覺
但係個地方我可能係未去過
有時候就突然對一d畫面覺得好似之前見過,甚至試過係夢到再次出現一樣的埸景
可以講夢係生活既寫照,一d你好想發生既事會係夢出現,又或者對將來既一少少預測

不過宜家大多數發夢都係一d係現實中做唔到既事
就會係夢中比我滿足

～蛇仔～

根據科學研究,夢入面所出現既地點,人物,建築等等既野,都一定係你自己認知範圍內...
我同意平衡宇宙論,一個選擇可以改變左成個世界既去向,例:希特拉老母係生希特拉之前係有諗過墮胎,假如佢真係有墮胎既話咁會點?
而所謂既夢境,對我來講,同樓主既某一想法差唔多,係另一個平衡宇宙既連接...
夢入面所發生既事,其實係另一平衡宇宙發生既事;亦即係,另一平衡宇宙既人既夢境入面發生既事,有可能係我地所謂「現實」發生既事...(可能1999左)
我呢個想法其實都同莊周夢蝶差唔多,只不過其實現實同夢境都係「現實」,只不過發生係唔同既宇宙...
不過呢一切都冇從驗證,只係一個想法,一個我相信既想法...

深乂藍

我同你一樣都試過去咗某個地方,雖然唔知從乜野途徑搭乜野車去到果個地方,但係係現實去到果個地方果時就會 ...
杜亞斯 發表於 21-4-2013 00:21

我都夢過女鬼 不過係多啦A夢畫風果隻就掂到我就醒左

傲邪一少

回復 38# ～蛇仔～


    十分同意