90後的感嘆

CEMA

回復 2# chiuandy123


    我當然有進修
另外我想問你,有的人高考不合格
就是差幾分搞到要輕生
(最大原因是壓力)
你如何看法?

chiuandy123

回復  chiuandy123


    我當然有進修
另外我想問你,有的人高考不合格
就是差幾分搞到要輕生
(最大原因是 ...
CEMA 發表於 29-6-2013 20:20

    我覺得咁樣雖然衝擊係好大
但係亦唔應該放棄自己
要接受同面對現實

proxy

我就係唔知先問你...
你又問返我轉頭哥仔
呀楊 發表於 29-6-2013 20:19

可能佢係引導你思考一下香港教育同外國教育的分別。

我係new手

大家好,今天是我第3次在這里出現
時間過的真快,這樣就半年了,今天我看新聞,見到內容都是說90後大學畢業了
...
CEMA 發表於 28-6-2013 21:08

從來大部份既事情都唔可以二分法黎處理,讀大學有無用, 好睇學生讀乜野既課程, 學生用乜野心態去讀,
我相信再"無用"既資助學位(UGC)都有佢本身既價值, 畢竟要開一個新既科並唔係易事呢,
就算我衣家讀既課程比人話唔夠"專", 出到黎乜都唔識, 仍然有師兄可以入到行業入面既龍頭公司
亦有同學係第一年既時候已經預知到唔可以準時畢業.

讀大學真係只可以求知識而唔求分數嗎?
我相信唔可以咁武斷呢
一個正正常常既學生唔抄功課既時候, 拎到高分某程度上都學到不少知識,
尤其做project既時候可以吸收到比上堂學既知識多3至4倍之多

至於求分數係自殘身體.. 作為自殘過後又無分數既我感到十分無奈..
係所謂"專業"既世界入面, 唔係你付出幾多就收到幾多,
唔夠料就係唔夠料呢..
你通一晚頂做完功課低分, 有人一個星期只訓6個鐘仍然低分
簡直就係慢性自殺

無名小卒=]

我就係唔知先問你...
你又問返我轉頭哥仔
呀楊 發表於 29-6-2013 20:19

姐係你覺得無唔同lol?

簡單D黎講，你覺得香港學生夠主動?

無名小卒=]

從來大部份既事情都唔可以二分法黎處理,讀大學有無用, 好睇學生讀乜野既課程, 學生用乜野心態去讀,
我相 ...
我係new手 發表於 29-6-2013 20:35

香港既大學家陣就係睇你識唔識揀GE/選修
比你揀到D又HEA又A GRADE既你同人就有個差距係度，人地係點占都追唔到。
個個學生根本當番學係番工咁看待，計出席率既/QUIZ/EXAM就番，唔計既就走堂/唔交功課。
試問咁樣點學到野，無限LOOP，不斷就係走堂走堂/PRESENT/PROJECT/跟住又下一科。
機械式，不斷重覆又重覆。
最大問題係，家陣香港教育簡直係一塌糊塗，我舉個例子。
例如有個學生鍾意生物，佢對飛蛾撲火好有興趣，但係到頭來，生物堂教佢D咩？
佢根本完全無機會接觸到佢有興趣既野，淨係係度背背背背背，CELLCELLCELLCELL，結果佢就對成科無左興趣。
話就話求學不是求分數，但係你試下分數低？ 可能分分鐘踢你出校添。
而且教育黎講老師同學生基本上0交流，個教授好D既可能仲同你傾下計，差D既咪上堂講完落堂走人，理得你聽幾成。
唔係講笑，你睇下香港學生包括我在內，我想講好少人夠膽上堂果陣問野，或者係度討論。
好坦白講，大家有時見到有同學行出去問野，係唔係會諗：扮晒野、威喇出去問問題、搏拎印象分喇。
老師問問題就大家你眼望我眼口啞啞，甚至叫大家舉手表態，都可以有好多人乜都唔舉。

最後難聽D講句，為左分數自殘身體果班人就算比佢入到大學又點？話唔定小小野又自殘。
唔通要世界就晒佢，出路就大把，睇你肯唔肯去既姐，我覺得自殺簡直就係懦夫既行為，完全解決唔到問題，
仲要你身邊既人傷心。

呀楊

姐係你覺得無唔同lol?

簡單D黎講，你覺得香港學生夠主動?
無名小卒=] 發表於 29-6-2013 08:43 PM

唔係我覺得相同
唔好諗錯隔離先
西方文化同香港文化始終都有一定嘅差異
而係我想知道香港大學生缺小咩野搞到人地唔肯請
至於你提到主動問題就好睇性格同教育方式
香港學生被動唔小
但我自己覺得主動學生都好多

無名小卒=]

唔係我覺得相同
唔好諗錯隔離先
西方文化同香港文化始終都有一定嘅差異
而係我想知道香港大學生缺小咩 ...
呀楊 發表於 29-6-2013 21:06

點都好，香港學生始終都係唔夠主動，香港既教育方式就係教你點去考好試，
你自己隨便睇下，外國學生根本上好PRESENTABLE。
同埋主唔主動唔係單單你覺得或者我覺得，家陣係出面既市場/老細話事

呀楊

點都好，香港學生始終都係唔夠主動，香港既教育方式就係教你點去考好試，
你自己隨便睇下，外國學生根本 ...
無名小卒=] 發表於 29-6-2013 09:10 PM

我唔係唔認同你咁講
但唔應該要一篙竹打一船人
其實主唔主動睇你面試同埋試用期就自然會露出馬腳
一定避唔到人地法眼
反而大部分香港大學生自我價值過高就真~

無名小卒=]

我唔係唔認同你咁講
但唔應該要一篙竹打一船人
其實主唔主動睇你面試同埋試用期就自然會露出馬腳
一定避唔 ...
呀楊 發表於 29-6-2013 21:20

一篙竹打一船人既唔係我，人地話唔請又唔係我話事，
我唔否認總會有個別好既，但係整體比人既感覺係點就正如大陸咁，
大陸都會有人有好既素質，但點解我地家陣講起大陸人都或多或少有負面印象?同樣道理姐。