90後的感嘆

呀楊

一篙竹打一船人既唔係我，人地話唔請又唔係我話事，
我唔否認總會有個別好既，但係整體比人既感覺係點就 ...
無名小卒=] 發表於 29-6-2013 09:49 PM

所以咪唔識進步
連機會都唔比人
我指學生

我係new手

香港既大學家陣就係睇你識唔識揀GE/選修
比你揀到D又HEA又A GRADE既你同人就有個差距係度，人地係點占都 ...
無名小卒=] 發表於 29-6-2013 20:53

我今年仲未有機會接觸到GE同elective, 但係我睇其他同學既情況係, 一係HEA, 一係好GRADE.
講到尾所謂既好GRADE只係睇學生滿唔滿足到tutor/lecturer呢.. 只係有D人比分會緊手D,
但唔代表每一科都唔會出現好GRADE既人

至於你講到討論既事, 我諗每間學校, 甚至每個學系都有唔同既風氣
不過我相信我係幾好彩既一群,
department甚至我本身major既lecturer都有好多肯教後輩既老師,
畢竟學校要好, 要保得住自己既地位, 顯示自己既價值, 除左出paper既能力, 某程度都講求學生既品質,
所以department都比幾多backup比學生, 有唔識既野都可以即場問,
就算唔敢即場問, 都可以send email甚至踩上office請教老師, 話唔定你D同學問完野你都唔知..

當中既討論風氣, 比起我初中讀既所謂Band 1英中, 甚至CE失敗之後轉讀既雞校都要好幾倍呢.
同埋老師問既問題都會有人答, 可能我衣科算係中學比較唔會接觸到既學科, 大家都係由0開始, 答錯都唔怕"樣衰",
不過亦都聽聞有大學為左鼓勵學生答問題, 每次答問題都可以儲"卡", 用黎計平時分, 當中既意義就唔再深究啦, 我都唔算好清楚個制度
我自己講緊既學校唔算好, 但我相信越好既大學, 討論既氣氛應該有變好既趨勢

講到大學學既知識, 好老實講就算再有資源既學校, 都無可能放棄教一D general concept黎因應學生既興趣黎改課程呢..
咁如果有學生對變色龍既DNA application有興趣, 學校又要準備教材嗎?
我自己讀緊既學校, 係開學之前就要將課程既內容準備, 制定好,
改course既內容唔係易事呢.. 越多人受影響就越難

咁學生可以做既係咩呢?
入到大學我相信學生都有一定既能力,
當中research skill對學生黎講係無可避免一定要熟習..
如果要學習course以外既知識, 首先應該要自己去圖書館搵書, 有唔明再去搵教授.
或者一開始就搵教授, 等佢比D方向你

至於遇到唔理學生既老師..
衣方面就真係要睇你對求學有幾熱切既心.
我上年都要用autocad黎畫圖, 衣樣野我相信幾乎100%既大學生都係由0開始
但係教我既老師係老SEAFOOD, 完全唔想理學生. 無任何指引, 只係教人畫直線
最後我決定去sit其他tutor既堂, 都算偷到少少師呢..
甚至你可以搵course leader, 唔得再搵programme leader, 我相信做得負責人都會幫助學生
如果都唔得就只可以靠人際網絡, 請教下yr2/3既師兄師姐

有老師講過大學其實放曬D資源出黎,
學生應該盡量去拎.. 至於拎得幾多就好睇學生既能力同意願

無名小卒=]

我今年仲未有機會接觸到GE同elective, 但係我睇其他同學既情況係, 一係HEA, 一係好GRADE.
講到尾所謂既 ...
我係new手 發表於 30-6-2013 00:12

首先比GRADE真係睇得出好大分別，有D真係求求其其番齊整整齊齊就A，
仲有樣野，我地英文，有D老師係會你交一次改好晒再比番你，你交改好果份，咁想唔A都難喇係咪?
但其實呢樣野係唔比，再多比下意見，點可能成份幫你改。
咁每個科總會有人好，但係都有比例呢樣野。

同埋家陣學生跟本當番學係番工，每一科都係PRESENT/計分就番，之前走得就盡走或者HEA。
每次答問題都可以儲"卡", 用黎計平時分
有平時分就自然會答喇，同埋你有幾可見到同學係上堂討論？
最多咪幾個人圍一個GROUP仔你眼望我眼求其寫D野係紙度講兩句。

唔講你有幾熱切既心，但係學校有比過機會咩？
唔需要話改過所有教材，但起碼唔會只注重背一D指定既題材。純粹係考你背書。
佢家陣係指定要你讀你可能無興趣既野，我無話過唔可以教GENERAL CONCEPT，但係LAB會唔會比你做變色龍既DNA application?
全部都係佢指定，你要做？得！讀晒佢D課程拎到好成績先囉，之後咪比你做RESEARCH囉。
但係家陣以中學為例丫，中3到中6，你揀BIO既，你都要讀好先，你好少機會去做到自己鍾意既野。

不如咁講，入得大學，基本上都好識RESEARCH，咁多網，又有圖書館，但係自己既發現呢？
你有冇發覺你自己做PROJECT或者點都好，基本上就係左抄右抄。
research skill個個都好好，好多人都識整理做一個好既PPT，但係真係到佢口講，又可能口疾疾

我係new手

首先比GRADE真係睇得出好大分別，有D真係求求其其番齊整整齊齊就A，
仲有樣野，我地英文，有D老師係會你 ...
無名小卒=] 發表於 30-6-2013 09:51

   我相信每個人都有自己既選擇,
你心目中大學教育係點樣? 上足堂, 做齊功課, 就算係一個稱職既大學生?
我認同有D人係當返工咁返, 但點解會造成咁既局面? 大學既走堂文化係點樣開始?
走堂既人, 點解可以唔洗聽書又可以讀落去? 衣D都值得去思考呢..

無論幾時, 邊度..
讀書, 尤其科工類別既學生, 向來都係要打好基礎先再向上走.
就算要作一首詩, 都總要了解古詩的結構吧,
當然亦可以無中生有自成一格, 但先讀古人的智慧結晶再發展出自己的風格無可否認是比較好的道路.
唔係既話又點會有"站在巨人的肩膀"衣類名言既出現呢?

至於做功課, 只能說有D project並唔係要自己做就能夠自己做,
我都試過有一個廿分鐘既present係完全自己idea, 但只不過因為個題目容許咁做, 又係我自己熟悉而且有把握..
唔係既話就只能上網左抄右抄, 再去圖書館搵書做source

我自己讀既科目入面, 有一科係講行業內contract既basic concept,
要知道香港都係用previous case黎prove/disprove當下發生既事情,
係衣D情況下免不了要睇大量參考書同上網搵資料, 而且亦必須咁做先可以令自己既present更有說服力, 先夠"專業"

無名小卒=]

我相信每個人都有自己既選擇,
你心目中大學教育係點樣? 上足堂, 做齊功課, 就算係一個稱職既大學生? ...
我係new手 發表於 30-6-2013 17:36

我家陣唔係要你無中生有，而係叫你讀自己想讀既野，
家陣你讀乜都好，一定要成PACK過，PHY都有分電呀熱呀，但係你可以只揀自己鍾意既讀？

OK FINE，你覺得家陣OK咪OK
全部野都可以自己選擇，呢個話題完

我係new手

我家陣唔係要你無中生有，而係叫你讀自己想讀既野，
家陣你讀乜都好，一定要成PACK過，PHY都有分電呀熱 ...
無名小卒=] 發表於 30-6-2013 18:01

所以我先問你咩叫大學教育, 大學提供學生教育, 係要學生返齊學, 學professor教既野?
學自己想學既野? 學自己個課程相關既野?
定係社會上既野?


要知道當初學生揀既係physics而唔係EE呢,
而且EE雖然係同電有關既科目, 但係都唔純粹能夠從其他相關科目一刀切分出黎呢.
好似我上面提到既autocad, contract相關既課程,
不論係EE, building定係其他日後會接觸到合約, 或者設計模型既同學都無得避免要讀.

當你接觸到電路既應用時, 電同熱既關係並唔可以直接分開呢..

無名小卒=]

所以我先問你咩叫大學教育, 大學提供學生教育, 係要學生返齊學, 學professor教既野?
學自己想學既野?  ...
我係new手 發表於 30-6-2013 23:49

咁不如你講咩叫大學教育先

電同熱唔可以直接分開OK 你咪當我舉既例子唔夠好囉。

咁太空同電OK未?

巫女

時間過得快

proxy

咁不如你講咩叫大學教育先

電同熱唔可以直接分開OK 你咪當我舉既例子唔夠好囉。

咁太空同電OK未? ...
無名小卒=] 發表於 1-7-2013 10:33

太空同電  
宇宙和電子
唔知解覺得好似量子力學
無論如何，如果真係有強大的求知欲，一定會學習多方面知識來尋求心中問題的答案。
如果一個人的學習目的是了解世間事物為大前提，pack好晒比你讀，換個角度睇係幫你節省左靠自己領悟到一樣野有用先至去學的時間。

我係new手

咁不如你講咩叫大學教育先

電同熱唔可以直接分開OK 你咪當我舉既例子唔夠好囉。

咁太空同電OK未? ...
無名小卒=] 發表於 1-7-2013 10:33

我唔係想夾硬去介定大學教育係某一樣野, 衣條問題其實係open ended question黎, 每個人心目中都有佢自己既答案, 每個人入大學既原因都唔一樣, 為錢, 為知識, 為前途, 為夢想.. 等等
提供一張沙紙, 教識同學互相合作, 學習課程內外既知識, 都算係大學教育

所以我第一次問你果陣, 你心目中既大學教育係咩,

衣樣野只有學生自己先知, 同時亦唔關其他人事,
當搵到答案既時候就努力去實現, 唔好白白浪費左3/4年既學費同埋更多既、納稅人比出黎既錢

至於對我黎講, 大學教育包括我上面提到既所有野,
但除左沙紙, 同埋畢業後既高薪之外, 其他野我都唔會太期望department會比到自己,
畢竟自己讀既係工程科, 本來課堂上除左專業既知識之外就唔會有太多其他既交流,
就算校徽寫住"格物明德"既港大, 亦唔見得能夠將衣樣野實行得透切,
更何況自己學校有一班用錯力既熱血青年, 同埋好似染紅左既學校高層.
但係要認識格物明德等既理念, 除左課堂之外 仍然可以靠自己去實行呢.


其實去到應用層面, 太空同電都係唔可以一刀切..
況且我都想知邊間U會主打太空&電黎做課程內容, 令到學生有被逼讀某D野既厭惡感